Малопродажниот синџир ги информира потрошувачите дека производот „премиум лосос“ од 100 грама се повлекува бидејќи има зголемено количеството од бактеријата листерија (Listeria monocytogenes).

Малопродажниот синџир во Хрватска, „Спар“, испрати известување до своите клиенти дека се повлекува производот „премиум лосос грабан“ од 100 гр, чаден и исечен, произведен од пушницата „Бек“, кој може да се купи во нивните продавници.

Причина за отповикувањето е зголеменото количество на бактеријата листерија поради што производот не е во согласност со Регулативата 2073/2005 за микробиолошки критериуми за прехранбени производи.

Производот со EAN код: 3859892100100, спакуван: 4.5.2023 година, за употреба до: 15.5.2023 година, се повлекува и важи само за наведениот рок на употреба. Се молат клиентите што го поседуваат овој производ да не го јадат, туку да го вратат во најблиската филијала на „Спар“ или „Интерспар“, каде што ќе им бидат вратени парите, дури и без приложување на сметката“, наведуваат од синџирот.

Listeria monocytogenes потенцијално може да биде многу опасна бидејќи често предизвикува инфекција на централниот нервен систем. Има посебна тенденција да го напаѓа мозочното ткиво (особено мозочното стебло) и мозочната обвивка.

Тоа може да доведе до парализа на мозочните нерви и екстремитети, менингитис, енцефалитис (воспаление на мозокот) и смрт. Се лекува со специфични антибиотици, а лекарите предупредуваат на висока стапка на смртност. Без разлика на терапијата, вкупната стапка на смртност се движи меѓу 20 и 30 проценти, посочуваат инфективните болести.