Две лица ги загубија животите, а едно е тешко повредено во сообраќајна несреќа која вчера попладне се случила на ул.„Христо Татарчев“ во Скопје.

Од МВР за Курир потврдуваат дека несреќата била пријавена кај нив околу 16.40 часот.

-Патничко моторно возило „сузуки свифт“ со скопски регистарски ознаки, управувано од А.А.(70) од Скопје излетало надвор од коловозот. На местото на несреќата починале возачот и сопатникот С.О.(65) од Скопје, а смрт констатирал лекар од Итна медицинска помош. Додека, со тешки телесни повреди се здобил уште еден сопатник П.Ц.(71) од Скопје констатирани во Комплексот клиники „Мајка Тереза“. велат за Курир од МВР.

Извршен бил увид од Јавен обвинител и увидна екипа од СВР Скопје.