Легендарниот бразилски фудбалер Пеле се наоѓа во критична здравствена состојба и полека ја губи битката со ракот, а сега на интернет се појави снимка на која може да се забележи како поранешниот играч се збогува со пријателите.

Пеле од 29 ноември е во болница, но неговата состојба дополително се искомплицира и засега не е познато уште колку ќе живее.

Болницата „Алберт Ајнштајн“ од Сао Паоло соопшти пред неколку денови дека ракот напредува и потребна му е сè поголема грижа на Бразилецот.