Арбeр Шаќири, член на велосипедски клуб од Тетово загина во тешката сообраќајната незгода која попладнево се случи на скопската обиколница.

Веста на својот фејсбук профил ја објави велосипедскиот клуб „Феникс“ од Тетово при што изразија сочувство до најблиските пријатели и роднини.

– Со жалење ве известуваме дека денеска се случи тешка сообраќајна несреќа во која автомобил удри двајца велосипедисти од Скопје, на обиколницата во Скопје (Радишани) кои се движеа од Тетово, напишаа тие на фејсбук.

Од МВР за МИА информираа дека во 15:48 часот е пријавено дека на обиколница, после клучка Радишани во правец кон Тетово се случила сообраќајна несреќа во која возило „мазда“ со скопски регистерски таблички управувано од Р.Р. (63) удрило во двајца велосипедисти – А.Ш., кој починал на лице место и А.П., кој се здобил со повреди и со возило на Итната медицинска помош е пренесен во ургентен центар „Мајка Тереза“.

Полициски екипи попладнево вршеа увид на место на настанот. Неофицијално дознаваме дека загинатиот велосипедист е Арбер Шакири од Скопје, татко на две деца.

😢