Српскиот сеизмолог Славица Радовановиќ за РТС изјави дека земјотресите што се случиле во Романија, а биле почувствувани и во Србија, биле во област каде последниот земјотрес со таква јачина бил во 1940 година и каде имало долгорочна акумулација на сеизмичка енергија, имајќи предвид дека пред тоа се случил земјотрес неколку века порано.

– Кога се случи турскиот земјотрес, беше неопходен само мал прилив на сеизмичка енергија за да се активира фокусот. Да немаше турски земјотрес, романскиот ќе се случеше можеби само година-две подоцна, но сигурно ќе се случеше – изјави Славица Радовановиќ во емисијата Таковска 10.

Таа додаде дека може да се каже дека турскиот земјотрес, како исклучително моќен, со силна магнитуда што е на самиот врв за континентални земјотреси, бидејќи се смета дека тие можат да бидат и до осум единици по Рихтеровата скала кога тие се на континентите, ги забрзаа земјотресите во Романија, но го испровоцираа и земјотресот што истиот ден се случи кај Петриња во Хрватска.

– Овој земјотрес заедно со земјотресите што се случија на подрачјето на источниот Медитеран. Последните што ги паметиме се два земјотреси во Албанија и Хрватска, а пред тоа цела серија земјотреси во една деценија во Италија, сите заедно зборуваат за тоа дека целата област на источниот Медитеран влезе во време на зголемено сеизмичка активност и дека земјотреси со максимална магнитуда ќе се случат во различни епицентрални зони на ова подрачје – изјави Радовановиќ.

„Зголемената сеизмичка активност ќе трае неколку години“

Таа посочи дека зголемената сеизмичка активност ќе трае неколку години.

– За нас сеизмолозите, месеците не претставуваат временска основа. Секогаш зборуваме за неколку години, а најчесто велиме дека вакви настани се можни во следните десет години, бидејќи на крајот на краиштата, сите тие притисоци низ Земјата се пренесуваат многу побавно од нашите стравови – изјави Славица Радовановиќ.

На прашањето колку силен земјотрес може да се очекува во Србија, Радовановиќ објасни дека Србија може да ја погоди земјотрес со максимална магнитуда од 6 степени според Рихтеровата скала.

– Веднаш да кажам дека ваквото поместување е е 100 пати помало од турското. Па да се разбереме, споредено со турскиот земјотрес тоа би бил слаб земјотрес, но би бил силен и посилен од земјотресот во Краљево. Ако зборуваме за Бугарија, каде исто така одамна немало силни земјотреси и голема е веројатноста дека и таму ќе се случат силни земјотреси, тоа се некои магнитуди кои достигнуваат и до 7 единици по Рихтеровата скала, но овие земјотреси се поврзани со некои погранични области меѓу Србија и Македонија и би можеле да имаат влијание врз јужните делови на Србија – рече Славица Радовановиќ.

Таа објасни дека разликата меѓу единиците на Рихтеровата скала е логаритамска и дека земјотрес со јачина од 7 степени е десет пати посилен од земјотрес со јачина од 6 степени.