Двајца германски тинејџери загинаа додека скијале во Австрија откако паднале во провалија длабока 60 метри, соопшти полицијата.

Сведоците известуваат дека 17-годишните момчиња скијале со голема брзина на патека со средна тежина во скијачката област Вејдринг и на половина пат паднале во провалија.

Брзата помош и две екипи со хеликоптери не успеаја да ги спасат скијачите кои загинаа на лице место.