Млад скопјанец завршил со тешки телесни повреди додека извршувал работни задачи во фабрика во Гази Баба. Уште една лоша вест во полицискиот билтен.

– На 22.12.2022 во 10.20 часот во Полициската станица Центар било пријавено дека во Градската општа болница „Св.Наум Охридски“ со тешки телесни повреди бил донесен Т.М.(22) од Скопје. Според пријавеното, тој се здобил со повредите додека извршувал работни задачи во фабрика на подрачје на Гази Баба – Скопје“, информира МВР.

По извршениот увид,, за немилиот настан бил известен и трудов инспектор.

Втор случај млад работник да настрада на работно место за една недела

– За една недела ова е втор случај млад работник да настрада на работно место. Минатата недела почина 23-годишно момче, врз кое паднале цевки во товарен лифт, во скопска фирма, објави телевизија Телма.

– На 20.12.2022 во 12.30 часот во СВР Скопје, од Итна медицинска помош било пријавено дека во фирма на бул.„Србија“ бил пронајден починат Д.С.(23) од Скопје.

Екипа од Итна медицинска помош констатирала смрт без траги на насилство и за настанот бил известен трудов инспектор.