Во четвртокот попладне по локално време, на плажата во близина на Мерблхед, Масачусетс, во близина на куќата на мајката на Брајан Волш беа пронајдени човечки останки, а полицијата истражуваше чии се тие, бидејќи не беше исклучена можноста да ѝ припаѓаат на Ана Волш.

Во меѓувреме, утврдена е идентификација и телото му припаѓа на човекот Мајкл Греј кој исчезна на 11 декември, пренесува boston25news.

На почетокот на овој месец, државната полиција и локалните нуркачки тимови спроведоа интензивна потрага по Греј во водата кај плажата Џунипер во Салем.

Човечки останки кои долго време биле во морето пронашла жена која го шетала своето куче, кое почувствувало чуден мирис и истрчало, а сопствениќката тргнал по него.

– Сакам да бидам прецизен, останките не беа препознатливи како личност. Но, знаев дека тоа е тело, изјави за американскиот NBC Boston синот на жената која ги пронајде човечките останки.

Градот Марблхед се наоѓа на околу триесет километри од Кохасет, градот во кој живеело семејството Волш.

Ана Волш, родена во Белград и мајка на три деца, исчезна на 1 јануари, а во меѓувреме беше уапсен нејзиниот сопруг Брајан Волш и обвинет за убиство.

Полицијата пронашла многу докази против Брајан Волш кои го поврзуваат со исчезнувањето и можното убиство на Ана Волш, но нејзиното тело досега не е пронајдено.