Во Клиничкиот центар на Универзитетот во Сараево денеска почина Алмир Рашчиќ (39) од Горажде, кој беше тешко ранет во напад пред десетина дена пред зградата во Горажде каде што живееше. Оваа трагична информација ја потврди и порталот „Аваз“.

Иако и покрај лошите прогнози на лекарите, надежта во семејството, меѓу пријателите и сограѓаните тлееше до последен момент, повредите на главата беа претешки и по девет дена во индуцирана кома, срцето на Алмир денеска во 17 часот и 30 минути престана да чука.

Во тек е истрага

Во моментите кога се движел кон автомобилот на паркингот, непознат напаѓач му пришол, го соборил на асфалтот и му пукал во главата.

-Истрагата е во тек. Се уште се прибираат докази, се преземаат дејствија, се што дозволува Законот за кривична постапка. Се вршат теренски проверки, прибирање материјални докази, разговори со сведоци. Во интерес на истрагата не можеме да ви кажеме ништо повеќе – изјави кусо за „Аваз“ кантоналниот обвинител Мирсад Билајац.

Алмир Рашчиќ

Пронајдени чаури

Нападот се случил во област која не била осветлена или покриена со видео надзор. Како што веќе објави „Аваз“, Рашчиќ најверојатно бил застрелан со пиштол „тетеец“.

Таква трага имаат истражителите по пронајдената чаура и лауеа од куршум калибар 7,62 милиметри. Утврдено е дека зрното припаѓа на овој вид оружје. СИПА и Федералната полициска управа (ФУП) беа сериозно вклучени во истрагата.

Успешен фудбалер

Потсетуваме, Алмир Рашчиќ настапуваше за Железничар, Вележ, Олимпик, Горажде и Азот. Неговиот брат Адмир Рашчиќ играше и за Железничар и за Сараево. Во моментов е член на стручниот штаб на У21 репрезентацијата на Босна и Херцеговина.

Нивни татко е Мухидин Рашчиќ, член на Извршниот одбор на Фудбалскиот сојуз на БиХ и претседател на Фудбалскиот сојуз на босанско-подринскиот кантон.